Юуны түрүүнд 20 жилийн турш бидэнтэй хамт байж бидний үйлчилгээ, бараа бүтээгдэхүүний чанарт итгэл хүлээлгэн байнга хамтарч, дэмжиж ирсэн эрхэм харилцагч, худалдан авагчид, байнгын үйлчлүүлэгчид та бүхэндээ талархал илэрхийлэн мэндчилгээ дэвшүүлье.

Хашхан ХХК нь байнга хувьсан өөрчлөгдөж буй хэрэглээний соёлд нийцүүлэн, стандартад тохирсон бараа бүтээгдэхүүн импортолж, нийгэмд эзлэх эерэг байр суурьтай, бүтээлч, хүн төвтэй байгууллага байхыг эрхэмлэн үйл ажиллагаагаа явуулж байна. Түүнчлэн, хэрэглэгчдийн сэтгэл ханамжийг урьтал болгон чанарын баталгаа, загварын өргөн сонголт, бодит үнийг эрхэмлэж загварын шинэчлэлт өөрчлөлттэй цаг бүр хөл нийлүүлэн та бүхэндээ хүргэхийг зорин ажиллаж ирлээ. Өнгөрсөн хугацаанд Хашхан ХХК нь улс орондоо баялаг бүтээлцэж, орон нутгийнхаа хөгжилд хувь нэмэр оруулж “Шилдэг татвар төлөгч” байгууллагаар 2 удаа шалгарч байгаагаа та бүхэндээ хүргэхдээ баяртай байна.

Манай компани нь айл өрх, албан байгууллага бүрт тав тухтай орчин бүрдүүлж, олон улсын эрүүл ахуйн стандартын шаардлага хангасан бүтээгдэхүүнүүдийг хүргэхэд гол анхаарлаа хандуулсаар ирсэн. Бидний өнгөрсөн хугацаанд гаргасан амжилт бүр ажилдаа үнэнч ханддаг хамт олон, харилцагч хэрэглэгчдийн итгэлцэл, хамтын ажиллагаанаас үндэслэн бий болсон гэдгийг хэлэхэд таатай байна.Бид өнгөрсөн 20 жилийн турш та бүхний найдвартай түнш байж ирсэн уламжлалаа улам хадгалан өргөжүүлж үргэлж шинэ содон, чанартай бүтээгдэхүүнийг та бүхэндээ хүргэхийн төлөө чармайн ажилласаар байх болно.